د اوبو او انرژي وزارت د IT رئیس معرفي شو
ښاغلی انجنیر جبیب الرحمن "جلالزی" نن د یو لړ رسمي مراسمو په ترڅ کې د اوبو اوانرژي وزارت د معلوماتي تکنالوژۍ د رئيس په حیث، د یاد ریاست کارمندانو ته ور وپېژندل شو.
په دغو مراسمو کې چې د یاد وزارت د مقام د دفتر رئیس ښاغلی قاري محمد عبدالعزیز"عزیز"، د مالي او اداري عمومي رئيس ښاغلی حاجی محمدالدین "نیازی"، د بشري سرچینو رئيس ښاغلی اسدالله "کاکړ"، د مطبوعاتو او نشراتو رئیس ښاغلی غلام جیلانی "حق پرست" او یو شمېر نورو رئیسانو او د وزارت کارمندانو ګډون در لود؛ ښاغلی انجنیر حبیب الرحمن "جلالزی" د معلوماتي تکنالوژۍ د رئيس په حیث د خپلې ادارې کارمندانو ته ور وپېژندل شو.
په دغو مراسمو کې د وزارت مقام د دفتر رئيس ښاغلی قاري محمد عبدالعزیز"عزیز"، د وزارت د مالي او اداري عمومي رئیس ښاغلی حاجي محمدالدین "نیازي"، لنډې خبرې وکړې، نوې رئيس او کارمندانو ته یې د خدای(ج) له دربار څخه د ښه خدمت غوښتنه وکړه.
یاده دې وي چې ښاغلی انجنیر حبیب الرحمن "جلالزی" د تجارت په برخه کې د لیسانس تر کچې زده کړې په مصر کې او د معلوماتي تکنالوژۍ په برخه کې یې د ماسترۍ تر کچې زده کړې په پاکستان کې سرته رسولې دي او همدارنګه د تېر رژیم د واکمني په وخت کې ۷ کاله په بګرام کې په اسارت کې تېر کړي دي.
