د اوبو او انرژي وزارت سرپرست وزیر د کندهار ولایت د اوبو لګونې له رئیس سره په لیدنه کې د چارو پر چټکتیا باندې ټینګار و کړ
د اوبو او انرژي وزارت سرپرست وزیر، ښاغلی ملا عبداللطیف "منصور"د کندهار ولایت د اوبو لګونې له رئیس، ښاغلي مولوي سید شرافت او په دې ولایت کې د سړک جوړونې د یو خصوصي شرکت له رئیس، ښاغلي حاجي عطالله سره و لیدل.
د کندهار د اوبو لګونې رئيس د اوبو او انرژي وزارت سرپرست وزیر ته د ښه راغلاست ترڅنګ، د یاد ریاست د پروژو او په دې لاره کې د شته ستونزو په هکله د اوبو او انرژي وزارت سرپرست وزیر ته هر اړخیز معلومات وړاندې کړ او دهدایاتو غوښتونکی شو.
په دغه لیدنه کې، د اوبو او انرژي وزارت سرپرست وزیر، ښاغلي ملا عبداللطیف "منصور" د کندهار ولایت د اوبو لګونې رئیس د راپور تر اورېدلو وروسته د چارو پر چټکتیا باندې ټینګار وکړ او د ستونزو د هوارولو لپاره یې لازم هدایات ورکړل.
