د اوبو او انرژي وزارت سرپرست وزیر د ګلبهار ګروپ له استازو سره وکتل
د اوبو او انرژي وزارت سرپرست وزیر ښاغلي ملا عبداللطیف منصور د خپل کار په دفتر کې د ګلبهار ګروپ له استازو سره وکتل او د ډبرو سکرو څخه د برېښنا د تولید فابریکې په جوړولو کې د پانګونې په هکله یې بحث او د اندونو تبادله وکړه.
په یاده لېدنه کې، د ګلبهار ګروپ استازو د ډبرو سکرو څخه د برېښنا د تولید فابریکې په جوړولو کې پانګونې ته لېوالتیا څرګنده کړه او په دې برخه کې یې د وزارت له مشرتابه څخه د همکاري غوښتنه وکړه.
د اوبو او انرژي وزارت سرپرست وزیر د یاد ګروپ د لېوالتیا ستاینه وکړه او د وزارت د مشرتابه او تخنیکي ټیم لهٔ خوا یې د همکاري ډاډ ورکړ.
