د اوبو او انرژي وزارت کارمندانو ته د (Learning Management System = LMS) سیسټم څخه د ګټې اخیستنې په موخه ښوونیز ورکشاپ ترسره شو
دغه سیسټم د اوبو او انرژي وزارت د معلوماتي ټکنالوژي ریاست له لوري د دغه وزارت د کارمندانو د وړتیا لوړونې په موخه رامنځته شوی، ترڅو کارمندان وکولای شي په آسانه توګه ډېر ژر ښوونیزو برنامو ته لاسرسي ومومي.
په آنلاین توګه درسي سرچینو ته لاسرسی، په آزموینو کې ګډون، په آنلاین توګه درسي غونډو ته لاسرسی، د وزارت د فعالیتونو په هکله د اطلاعاتو شریکول، په آنلاین توګه د ښوونیزو کورسونو او برنامو جوړول او دغه سیسټم ته د وزارت ولایتي کارمندانو لاسرسي د دغه سیسټم له ګټو څخه دي.
