د اوبو او انرژي وزارت ګډ تخنیکي او اداري پلاوي د هرات ولایت د پاشدان بند د پروژې د چارو له بهیر څخه څارنه وکړه
د اوبو او انرژي وزارت ګډ تخنیکي او اداري پلاوي د اوبو د تاسیساتو او شبکو د حفظ او مراقبت او ګټې اخیستنې رئيس محترم انجنیر حبیب الرحمن حقپال تر مشري لاندې چې په ترکیب کې یې اداري رئيس محترم مفتي حکمت الله جمال او د املاکو او ملکیتونو کارپوه محترم حیات الله وفا شامل دي، هرات ولایت ته سفر وکړ او د هرات ولایت د پاشدان بند د چارو له بهیر څخه څارنه وکړه او د نوموړې پروژې مسؤلینو ته یې د دغې پروژې د چارو د بشپړېدو په هکله ډاډ ورکړ.
همدارنګه، نوموړي پلاوي د هریرود- مرغاب سیندیزې حوزې د عمومي رئيس محترم مولوي سید عبدالسلام مستوفي آغا سره وکتل او د نوموړې حوزې د اداري او تخنیکي چارو په هکله یې بحث او د اندونو تبادله وکړه.
