د اوبو او برېښنا په برخه کې د غور ولایت د خلکو ستونزې د اوبو او انرژي له سرپرست وزیر سره شریکې شوې
د اوبو او انرژي سرپرست وزیر محترم الحاج ملا عبداللطیف منصور د غور د سیندیزې فرعي حوزې له رئيس محترم ملا رحمت الله اماني سره وکتل او د اوبو او برېښنا په برخه کې د غور ولایت د خلکو د ستونزو په هکله خبرې وکړې.
په دغه لیدنه کې، د غور د سیندیزې فرعي حوزې رئيس د برېښنا رسونې پروژو، په مرغاب ولسوالي کې د شورابه بند د جوړولو، د غور ولایت په مرکز کې د لمریزې برېښنا او نورو پروژو د پلي کولو غوښتنه وکړه.
په ورته مهال، د اوبو او انرژي سرپرست وزیر په دغه لیدنه د نوموړې حوزې له رئيس سره د متوازنې پراختیا او شته امکاناتو ته په کتو د همکاري ژمنه وکړه.
