د اوبو او برېښنا په برخه کې د میدان وردګ ولایت د دوهمې حصې بهسود ولسوالي د خلکو ستونزې او وړاندیزونه د اوبو له معین سره شریک شول
د اوبو او انرژي وزارت د اوبو معین محترم مجیب الرحمن عمر آخندزاده د میدان وردګ ولایت د اوبو او انرژي له رئيس محترم مولوي عبدالصمد حلیم او د دغه ولایت د دوهمې حصې بهسود له یو شمېر علماوو او قومي مشرانو سره وکتل.
په دغه لیدنه کې، د نوموړي ولایت د اوبو او انرژي رئيس او د دوهمې حصې بهسود ولسوالي علماوو او قومي مشرانو د اوبو او برېښنا په برخه کې د دغې ولسوالي د خلکو ستونزې او وړاندیزونه د اوبو له محترم معین سره شریک کړل او د اوبو او برېښنا بندونو د جوړولو غوښتنه یې وکړه.
د اوبو محترم معین په دغه لیدنه کې د هېواد اوبو مدیریت ته په اشارې سره وویل، چې دغه وزارت د هېواد د اوبو مدیریت ته ژمن دی او په دې برخه کې نهستړيکیدونکې هڅې کوي. هغه زیاته کړه، چې متوازنې پراختیا او شته امکاناتو ته په کتو سره به د اوبو او برېښنا په برخه کې د نوموړي ولسوالي د خلکو ستونزو او وړاندیزونو ته رسیدګي وشي.
