د اوبو د چارو د تنظيم ملي اداره کې د بريښنايی داوطلبي د پلي کولو په موخه د همغږۍ غونډه ترسره شوه.
د اوبو د چارو د تنظيم ملي ادارې عمومي رئيس، انجینر خان محمد تکل په مشرۍ د بريښنايی داوطلبي د سیستم پلي کولو په موخه د همغږۍ غونډه چې د ملي تدارکاتو د بريښنايی څارنې معین، د ملي تدارکاتو ادارې او د اوبو د چارو د تنظيم ملي ادارې يو شمېر رئيسانو او متخصیصینو ګډون درلود تر سره شوه.
په دغه جلسه کې د ملي تدارکاتو ادارې کار شناسانو د بريښنايی داوطلبي سیستم په اړه لازم معلومات وړاندې کړل.
د اوبو د چارو د تنظيم ملي ادارې عمومي رئيس د تدارکاتو د پروسې بريښنايی کول د روڼتيا په لور يو مثبت ګام ياد کړ.
همدارنګه ښاغلي تکل صاحب ټينګار وکړ چې د اوبو د چارو د تنظيم ملي اداره يو مسلکي ټيم دې د تدارکاتو ملي ادارې په همکارۍ به ژر تر ژره د دغه پروسې په پلي کولو کار وکړي.
