د اوبو د چارو د تنظيم ملي ادارې او د FAO سازمان استازي ګډه ناسته
د اوبو د چارو د تنظيم ملي ادارې عمومي رئیس او د انرژي خدماتو ادارې سرپرست انجینر خان محمد تکل، د دغه ادارې تخنیکي مرستیال انجینر احمد ويس بصیري او د ملګرو ملتونو، د کرنې او خوړو برخې(FAO) استازي راجندرا اریال تر منځ ګډه ناسته وشوه.
په دغه ناسته کې د اوبو د چارو د تنظيم ملي ادارې پروژو، د زرغون اقلیم(GCF)، د FAO سازمان د تخنیکي مرستو او هغه پروژې چې د جايکا له لوري په کابل، کاپيسا، بامیان ولایتونو کې پلي کيږي خبرې وشوې.
د اوبو د چارو د تنظيم ملي ادارې عمومي رئیس د ملګرو ملتونو د کرنې او خوړو سازمان له دومداره مرستو څخه د مننې تر څنګ په افغانستان کې د اوبو مديریت د ارزښت يادونه وکړه او د اوبو د چارو د تنظيم ملي ادارې د پروژو د ملاتړ لپاره یې د دغه ادارې په نورو همکاریو ټيګار وکړ.
