د اوبو د چارو د تنظیم ملي اداره کې د اجراآتو ارزونې نوي میتود په اړه د عامه پوهاي ناسته ترسره شوه.
دغه تعلیمي برنامه د اوبو د چارو د تنظیم ملي ادارې د بشري سرچینو ریاست لخوا او د اداري اصلاحاتو او ملکي خدمتونو کمېسیون په مرسته د ارزیابي نوي طرزالعمل او د نوي فورم لارښوونو په اړه کار کوونکو ته د عامه پوهاوي په موخه تر سره شوه.
دغه برنامه چې د اوبو د چارو د تنظیم ملي ادارې د مالي او اداري عمومي رئيس احمد رشاد حکیم، د پلان، پالیسي او نظارت عمومي رئيس ډاکټر حسیب پایاب، د بشري سرچینو رئيس سید داود فضلي، د برنامو د انسجام رئيس رفیع الله ستانکزي او د دغې ادارې یو شمېر رئيسانو په شتون کې جوړه شوې وه د اوبو د چارو د تنظیم ملي ادارې ډير شمېر کار کوونکو ګډون کړی وو.
د اوبو د چارو د تنظیم ملي ادارې د بشري سرچینو رئيس ښاغلي سید داود فضلي د اجراآتو ارزیابي په اړه لنډ معلومات وړاندې کړل او د کارکوونکو پلان جوړولو ته په ټينګار یې د دغه برنامې جوړول د چارو ښه تر سره کېدو لپاره خورا ګټوره یاده کړه.
په عین حال کې د مالي او اداي لوی ښاغلي رئيس احمد رشاد حکیم د دغې برنامې جوړولو قدرداني تر څنګ په اداره کې د اجراآتو ارزیابي ارزښت په اړه خبرې وکړې او د دومداره نظارت له طریقه د کار کوونکو دومدارې ارزیابي او د ارزیابي نتایجو په بیا کتنه یې ټينګار وکړ.
په دوام یې د اوبو د چارو د تنظیم ملي ادارې د بشري سرچینو مسؤلینو او د اداري اصلاحاتو کمېسیون کارشناسانو د اجراآتو ارزیابي نوي طرزالعمل باندې خبرې وکړې او کارکوونکو ته یې د اجراآتو ارزیابي نوې طریقې په اړه زده کړې ورکړې.
