د اوبو د چارو د تنظیم ملي اداره کې د هېواد د اوبو د نقشې جوړولو په موخه ګډه ناسته وشوه.
د کلو پر کچه د هېواد د اوبو او ابریزو د نقشې جوړولو لپاره د اړونده ادارو د همغږۍ په موخه ناسته چې د اوبو د چارو د تنظیم ملي ادارې لوی رئيس ښاغلي انجنیر خان محمد تکل په مشرۍ او د لوړو زده کړو وزارت علمي مرستیال عبدالتواب بالا کرزي، د کلو او پراختیا وزارت د برنامو مرستیال پوپل حبیبي، د کرنې او اوبو لګولو وزارت مسؤلینو او د اړونده ادارو رئیسانو، سلاکارانو او مسؤلینو په ګډون ناسته د یکشنبې ورځ د قوس میاشتې په ۲۳ نېټه د اوبو د چارو د تنظیم ملي اداره کې وشوه.
په دغه جلسه کې د کلو پر کچه د اوبو او ابریزو د نقسې جوړولو، غني کولو او د اړونده ادارو د همغږۍ او د چارو ښه تر سره کولو په موخه خبرې او د نظرونو تبادله وشوه.
د اوبو د چارو د تنظیم ملي ادارې لوی رئيس ښاغلي انجنیر خان محمد تکل د هېواد د اوبو معلوماتو راټولو په اړه د دغې ادارې کړنو او فعالیتونو ته په اشارې وویل: "د هېواد د اوبو او ابریزو یوې جامع نقشې جوړولو لپاره د اړونده ادارو ګډې همکاري ته اړتیا ده."
همدارنګه د اوبو د چارو د تنظیم ملي ادارې لوی رئیس ټينګار وکړ، چې اطلاعاتو ته د لاسرسي آسانتیا په موخه باید د هېواد د اوبو او ابریزو نقشه د کلو پر ځای د سندیزو لویو او فرعي حوزو پر اساس جوړه شي.
په عین حال کې د لوړو زده کړو، د کلو او پراختیا او کرهڼې وزارتونو مرستیالانو د موضوع په اړه خپل نظرونه وړاندې کړل او د اوبو نقشې د غني کولو لپاره یې د هر اړخیزې مرستې ژمنه وکړه.
په پای کې پرېکړه پر دې وشوه چې د علومو تحقیقاتي مرکز په ګډون دې د اړونده ادارو يو ګډ تخنیکي ټيم جوړ شي او د اوبو نقشې په پراختیا او غني کولو دې کار وکړي.
