د اوبو رسولو د خصوصي شبکو د فعالیتونو د قانوني کولو په هکله داوبو معینیت تخنیکي ناسته ترسره شوه
د اوبو معینیت تخنیکي ناسته د اوبو او انرژي وزارت د اوبو معین محترم مجیب الرحمن عمر آخندزاده تر رهبري لاندې د اوبو سکتور د رئيسانو په ګډون ترسره شوه او په دغه ناسته کې د اوبو رسولو د خصوصي شبکو د فعالیتونو د قانوني کولو او د اوبو تنظیم پورې اړوندو کړنلارو او لارښودونو د څرنګوالي په هکله بحث او د اندونو تبادله وشوه.
د ناستې په بهیر کې، رئيسانو د هېواد په سترو ښارونو کې د اوبو رسولو د خصوصي شبکو د فعالیتونو د وضعیت په هکله معلومات وړاندې کړل او د قانوني کولو په موخه یې خپل اندونه د اوبو له معین سره شریک کړل.
د اوبو محترم معین د ناستې د غړو د راپورونو او اندونو تر ارزولو وروسته، د دغې موضوع د لا غوره ترسره کولو په موخه اړینې لارښوونې وکړې او د چارو پر چټکتیا باندې یې ټینګار وکړ.
