د اوبو سرچینو د پروژو د څېړنو او لابراتوار رئيس همکارانو ته ور وپېژندل شو
د اوبو او انرژي وزارت د دفتر عمومي رئيس محترم قاري محمد عبدالعزیز عزیز په یوې ناستې کې په داسې حال کې چې د اوبو سرچینو عمومي رئيس محترم نثار احمد مموزي او یو شمېر نورو رئيسانو هم ګډون درلود، محترم مجیب الرحمن حقمل د اوبو سرچینو د پروژو د څېړنو او لابراتوار د رئيس په توګه همکارانو ته ور وپېژاند.
د دفتر عمومي رئيس د ښاغلي حقمل د ور پېژندلو پر مهال، د دغه مسؤلیت ارزښت ته په لنډ ډول نغوته(اشاره) وکړه او له رئيس او د هغه له کارمندانو څخه یې وغوښتل چې په ورسپارل شوې دنده کې له خپلو ټولو هڅو څخه کار واخلي.
د یادونې وړ ده، چې ښاغلی حقمل د انجنیري په برخه کې د لیسانس سند لري او له څه باندې دوو کلونو راهیسې د اوبو سرچینو د پروژو د څېړنو او لابراتوار په برخه کې دنده ترسره کړې ده.
