د اوبو معینیت اونیزه تخنیکي ناسته ترسره شوه
دغه ناسته د اوبو او انرژي وزارت د اوبو معین محترم مجیب الرحمن عمر آخندزاده تر رهبري لاندې د دغه معینیت د رئيسانو، سلاکارانو او یو شمېر تخینکي مسؤلینو په شتون کې ترسره شوه.
په دغه ناسته کې، د اوبو د تنظیم عمومي ریاست د خپل چتر لاندې ریاستونو یو کلن فعالیتونه او کړنې وړاندې کړل او همدارنګه یې د خپلو راتلونکو یو کلن کاري پلانونو په هکله توضحیات ورکړل.
د ناستې په بهیر کې، د اوبو د څاګانو د کیندنې قانوني کېدو او د اوبو رسولو په شرکتونو کې د واورې او باران اوبو د راټولو لپاره د جذبي څاګانو د کیندلو د تطبیق په هکله هم بحث او د اندونو تبادله وشوه.
د اوبو محترم معین د اوبو د تنظیم د عمومي ریاست د کړنو او پلانونو د راپور تر اورېدلو وروسته، په پلازمینه او ولایتونو کې د اوبو د غوره تنظیم په موخه اړوندو مسؤلینو ته اړینې لارښوونې وکړې.
