د اوبو معینیت تخنیکي غونډه د اوبو د سپما په برخه کې د عامه پوهاوي په اړه ترسره شوه
یاده غونډه د اوبو او انرژي وزارت د اوبو معین ښاغلي انجنیر مجیب الرحمن عمر"آخندزاده"، د اوبو سکتور د رئیسانو، سلاکارانو او یو شمېر تخنیکي مسئولینو په شتون کې ترسره شوه.
په یاده غونډه کې د ځمکې لاندي اوبو د وضعیت، د اوبو د سپما په موخه د عامه پوهاوي او د اوبو د سرچینو څخه د بې ځایه ګټې اخیستنې د مخنیوي په اړه بحث او د نظر تبادله وشوه.
په ورته مهال ، د اوبو د سرچینو او د تنظیم چارو مسئولینو د خپلوکړنو په اړه راپورونه وړاندې کړل او د دې ترڅنګ یې د اوبو د سپما په موخه د عامه پوهاوي په برخه کې د خپلو کړنلارو په هکله هم اړین معلومات وړاندې کړل.
د اوبو ښاغلي معین د یادو مسئولینو د کړنو تر څېړلو وروسته وویل چې عام خلک د اوبو د سپما او سمې ګټې اخیستنې په برخه کي بنسټیزه ونډه لري.
ښاغلي عمر آخندزاده اړونده مسئولینو ته د اړتیا وړ لارښوونو وروسته ټینګار وکړ چې په اوسنیو شرایطو کې اړتیا ده چې د اوبو د سپما او اسراف د مخنیوي په برخه کې د عامه پوهاوي پروګرام د یوې بشپړې او ځانګړې کړنلارې پر بنسټ مخ ته ولاړ شي.
