د اوبو چارو د تنظیم عمومي رئيس د کابل ښار د وزیرکلا او زمان خان کلا له مشرانو سره وکتل
د اوبو او انرژي وزارت د اوبو چارو د تنظیم عمومي رئيس محترم محمد نعمان نثار د کابل سیندیزې عمومي حوزې رئيس محترم انجنیر حبیب الرحمن حقپال او د ځمکې لاندې اوبو سرچنیو رئيس محترم انجنیر عزیزالرحمن عزیز په شتون کې د کابل ښار د وزیرکلا او زمان خان کلا له مشرانو سره وکتل.
په دې لیدنه کې د نوموړو ساحو مشرانو د ښاري فاضلابو د ټانکرونو د تخلیې او د زمان خان کلا د فاضلابو د تصفیوي دستګاه د غیر فعالېدو په هکله چې په یادو ساحو کې د ځمکې لاندې اوبو د ککړتیا لامل شوی، خپلې ستونزې او وړاندیزونه د اوبو او انرژي وزارت د اوبو سکتور له رئیسانو سره شریک کړل.
د اوبو او انرژي وزارت د اوبو سکتور رئيسانو د نوموړو سیمو د ستونزو د هوارولو په اړه، هغوی ته ډاډ ورکړ چې ډېر ژر به د دوی وړاندیزونو ته رسیدګي وشي.
