د اوبو چارو د تنظیم ملي ادارې د چارو ښه ترسراوي او د پروژو په سروې او ډيزاین کې له نوې ټکنالوژۍ څخه د استفادې په موخه تخنیکي جلسه په هلمند سیند تالار کې ترسره شوه.
د اوبو چارو د تنظیم ملي ادارې د چارو ښه ترسراوي او د پروژو په سروې او ډيزاین کې له نوې ټکنالوژۍ څخه د استفادې په موخه تخنیکي جلسه په هلمند سیند تالار کې ترسره شوه.
دغه جلسه د اوبو چارو د تنظیم ملي ادارې د تخنیکي مرستیال انجنیر احمد ویس بصیري چې د دغې ادارې د اوبو تاسیساتو او انجنیري خدماتو عمومي رئيس انجنیر فرهاد ضیا، د اوبو تاسیساتو د سروې او ډيزاین رئيس انجنیر روح الله محسني، د تخنیکي بورډ ارشد غړی احمد ضیا وردګ او یو شمېر انجنیرانو او متخصیصینو په شتون کې تر سره شوه.
په دغه جلسه کې د اوبو چارو د تنظیم ملي ادارې تخنیکي مرستیال انجنیر احمد ویس بصیري د انجنیر خدماتو په ریاست او تخنیکي بورډ کې د غوره ظرفیتونو را منځته کولو څخه خوښي وښوده او چارو ښه ترسراوي په موخه یې لازم هدایات ورکړل.
همدارنګه ښاغلي بصیري د پروژو اقتصادي تحلیل تر څنګ له انجنیرانو وغوښتل تر څو د پروژو په سروې او ډيزاین کې له نوې ټکنالوژۍ څخه استفاده وکړي.
په عین حال کې د انجنیري خدماتو عمومي رئيس ښاغلي ضیا د پروژو د سروې او ډيزاین چارو د ښه ترسراوي په موخه اړینې سپارښتنې وکړې او په انجنیرانو یې ټينګار وکړ چې د کار د لا کیفیت لپاره هڅې وکړي.
د اوبو چارو د تنظیم ملي اداره
