د بدخشان ولایت د انرژي کمیټې د برېښنا انرژي د خدمتونو د تنظیم د عمومي ریاست د تخنیکي ټیم په ګډون په هغه ولایت کې غونډه وکړه
د بدخشان ولایت د انرژي کمیټې غونډه د برېښنا انرژي د مارکیټ د تخنیکي رئیس محترم انجنیر همت الله امین زي او ورسره مل تخنیکي ټیم، د شمال ختیځ زون د انرژي د تنظیم آمر، د ولایت مقام د استازي، د بدخشان ولایت د سکتوري ادارو رئیسانو، د دولتي ادارو استازو، د بدخشان انرژي شرکت مرستیال، د فیض آباد د کوکچې فرعي سیندیزې حوزې د رئیس او کارمندانو په ګډون د کوکچې فرعي سیندیزې حوزې د غونډو په تالار کې ترسره شوه.
په دې کتنه کې د بدخشان ولایت په کچه د انرژي سکتور د فعالیتونو په اړه د اندونو تبادله وشوه.
دغه راز په دې غونډې کې په دې برخه کې د ورسپارل شويو دندو د زياتې همغږۍ په هکله خبرې وشوې او غونډه د غړو د نظرونو په اوريدو سره دوام وکړ او همدارنګه په دې سکتور کې د ستونزو په حل لارو بحث وشو او اړینې حل لارې ولټول شوې.
