د بدخشان ولایت د شورابک برېښنا بند کې شته ستونزې په یوه پر لیکه غونډه کې تر بحث لاندې ونیول شوې
د اوبو او انرژي وزارت د انرژي برنامو ریاست مسؤلینو د فیکا ترکي شرکت له مسؤلینو سره په یوه پر لیکه غونډه کې د بدخشان ولایت د شورابک برېښنا بند کې د شته ستونزو د هوارولو په هکله بحث او د اندونو تبادله وکړه.
په دغه پر لیکه غونډه کې، د دغه وزارت د انرژي برنامو ریاست متخصصینو د نوموړي شرکت له استازو سره د نوموړي بند د تخنیکي او مالي ستونزو د حل لارو چارو د څرنګوالي په هکله مفصلې خبرې، اترې وکړې او په دې هکله اړین تصمیمونه ونیول شول.
د یادونې وړ ده، چې د بدخشان ولایت د شورابک برېښنا بند د 7.5 میګاواټه برېښنا د تولید وړتیا لري، چې د بدخشان ولایت د مرکز فیض آباد ښار څه باندې ۱۵ زره کورنۍ ورڅخه ګټه پورته کوي.
