د بغلان ولایت له خواجه الوان دښتې د کابل تر ارغندۍ پورې د ۵۰۰ کیلو ولټ لېږد مزي پروژې فزیکي چارې ۱۵سلنه پرمخ تللې دي
د بغلان ولایت له خواجه الوان دښتې د کابل تر ارغندۍ پورې د ۵۰۰ کیلو ولټ لېږد مزي پروژه د کابل او د هغه د ۱۲ ګاونډو ولایتونو د برېښنا د کموالي د ستونزو د هوارولو په برخه کې د اوبو او انرژي وزارت له اړینو پروژو څخه ده.
د نوموړې پروژې فزیکي چارې ۱۵ سلنه پرمخ تللې چې د چارو په بشپړېدو سره به یې له ترکمنستان څخه افغانستان ته څه د پاسه ۱۰۰۰ میګاواټه برېښنا ولېږدول شي.
د دغې پروژې قرارداد د اوبو او انرژي وزارت له لوري د یوه خصوصي شرکت سره لاسلیک شوی او چارې یې په ښه توګه روانې دي.
له بلې خوا، د کابل ولایت د ارغندۍ د ۵۰۰ کیلو ولټ سب سټیشن د پروژې چارې هم په چټکۍ سره روانې دي.
