د بودجې د مصرف د څرنګوالي او د اوبو پراختیایي پروژو د وضعیت د پرمختګ ارزولو میاشتنۍ غونډه د اوبو او انرژي وزارت د اوبو په معینیت کې ترسره شوه
دغه ناسته د اوبو او انرژي وزارت د اوبو معین محترم مجیب الرحمن عمر آخندزاده تر رهبري لاندې د اوبو سکتور د رئیسانو ، د تدارکاتو رئيس، مالي رئيس او د یو شمېر نورو تخنیکي مسؤلینو په شتون کې ترسره شوه.
په دغه ناسته کې، اړوندو رئیسانو د اوبو سکتور د پروژو د سروې، ډیزاین او پلي کولو د وضعیت د پرمختګ ، د پراختیایي بودجې د مصرف د څرنګوالي او د پروژو د تدارکاتي پروسې د پرمختګ په هکله خپل راپورونه وړاندې کړل.
د اوبو محترم معین د رئيسانو او تخنیکي مسؤلینو د راپورونو تر ارزولو وروسته، د پروژو چارو د چټکتیا او له پراختیایي بودجې څخه د اغېزمنې ګټې اخیستنې په هکله اړینې سپارښتنې وکړې او د چارو پر چټکتیا باندې ټینګار وکړ.
