د تالقان په سیندیزه فرعي حوزه کې د ګاومالي ویالې د دویمې برخې د اوبو میرانو سیستم د رسمي کولو په موخه ناسته ترسره شوه
یاده ناسته د تالقان سیندیزې فرعي حوزې رئیس محترم مولانا صبغت الله قانع، د نوموړې حوزې تخنیکي ټیم او د نوموړې ویالې د اوبو ګټه اخیستونکو ګڼ شمیر استازو په شتون کې ترسره شوه.
په یاده ناسته کې د اوبو میرانو سیستم د کړنلارې په هکله بشپړ معلومات وړاندې شول او وروسته، د ګاومالي ویالې د دویمې برخې د اوبولګولو چارو د تنظیم، د اوبو ضایعاتو د مخنیوي او د اوبو تاسیساتو د ساتنې په برخه کې د تالقان سیندیزې فرعي حوزې سره د همکاري په موخه د نوموړې ویالې د اوبو ګټه اخیستونکو استازو له لوري پنځه تنه د ګاومالي ویالې د دویمې برخې د اوبو میرانو سیستم د غړو په توګه وټاکل شول.
