د تخار ولایت په رستاق ولسوالي کې د څښلو اوبو ۳۰ کړیو څاګانو د کیندلو چارې پرانیستل شوې
د لاندیني دشت قلعې پنج سیندیزې فرعي حوزې رئیس، مولوي میرمحمد احبار په مشري، د رستاق ولسوال، د فرعي حوزې تخنیکي مشاور او ګڼ شمېر امارتي مسؤولینو په شتون کې د تخار ولایت د قره کوز، یکه توت، سیاب او د رستاق ښار اړوند سیمو کې د څښلو اوبو د ۳۰ کړیو څاګانو چارې پرانیستې.
د دغو څاګانو د کیندلو چارې د لاندیني دشت قلعې پنج سیندیزې فرعي حوزې تر څارنې لاندې د طرزالعملونو مطابق د سمرقند افغانستان چوپړیزې او ټولنیزې مؤسسې له لوري ترسره کېږي.
د یادونې وړ ده چې د یادې پروژې په پلي کولو او بشپړېدو سره به د سیمې د خلکو د څښلو اوبو ستونزې حل شي.
