د خوست شمل- خرم سیندیزې فرعي حوزې نوی تخنیکي سلاکار همکارانو ته ور وپېژندل شو
محترم انجنیر اخترمحمد صادق د اوبو او انرژي وزارت د لزوم دید او د ریاست الوزرا د عالي مقام د حکم پر بنسټ د خوست شمل- خرم د سیندیزې فرعي حوزې د نوي تخنیکي سلاکار په توګه د نوموړې حوزې د رئيس محترم مولوي عبدالقیوم ثابت په شتون کې همکارانو ته ور وپېژندل شو.
ښاغلي ثابت د نوي تخنیکي سلاکار په پېژند غونډه کې وویل چې ادلون، بدلون په ادارو کې یو اصل دی او زیاته یې کړه، چې را سپارل شوي دندې باید په اخلاص سره پرمخ یوسو او پر اطاعت باندې یې ټینګار وکړ.
د یادونې وړ ده، چې انجنیر اختر محمد صادق تر دې مخکې په نوموړې حوزه کې د انجنیري خدماتو د آمر په توګه دنده ترسره کوله.
