د خوست ولایت قومي مشرانو ته د هغوی ستونزو ته د رسیدګي په موخه ډاډ ورکړ شو
د شمل- خرم سیندیزې فرعي حوزې رئيس محترم مولوي عبدالقیوم ثابت د خوست ولایت د تڼیو ولسوالي له یو شمېر قومي مشرانو سره وکتل.
په دغه لیدنه کې د نوموړې ولسوالي قومي مشرانو خپلې ستونزې او وړاندیزونه د شمل- خرم سیندیزې فرعي حوزې له رئيس سره شریک کړل.
په ورته مهال، د نوموړې حوزې رئيس له هغوی سره د هر راز همکاري ژمنه وکړه او زیاته یې کړه، چې مونږ ته د امیر المومنین حفظه الله له لوري لارښوونه شوې، چې د فرضي کرښې سره نږدې ولسوالیو د اوسېدونکو ستونزو ته ځانګړې پاملرنه وکړو.
