د ذهین امیر برېښنا رسولو خدمتونو شرکت ته د اوبو او انرژي وزارت له لوري د برېښنا انرژي د تولید او وېش جوازلیک ورکړل شو
دغه جواز لیک د برېښنا انرژي چوپړتیاوو د قانوني وړاندې کولو، د معیاري کودونو او سټندردونو د پلي کولو او د دغه وزارت له لوري د منظور شوې تعرفې د رعایتولو په موخه د اوبو او انرژي وزارت د برېښنا حقوقي مارکیټ رئيس محترم الحاج محمد حارث زرمتي له لوري د نوموړي شرکت مسؤل ته وسپارل شو.
د وزارت د برېښنا حقوقي مارکیټ رئيس د دغه جوازلیک د ورکولو پرمهال د نوموړي شرکت مسؤلین خلکو ته د رښتینې چوپړتیاوو وړاندې کولو ته وهڅول.
د یادونې وړ ده، چې له دغه جوازلیک سره سم د ذهین امیر برېښنا رسولو د خدمتونو شرکت کولای شي، د کابل ښار په پنځمه ناحیه ( افشار سیمه) کې د ۲۵۰ کیلو واټه په وړتیا د برېښنا انرژي تولید او وېش په برخه کې فعالیت وکړي.
