د زرمت ولسوالۍ د استوګنې په سیمه کې له اوبو څخه د ګټه اخيستو درې نوې ټولنې رامنځته شوې
له قومي مشرانو سره د غونډې په ترڅ کې د زرمت ولسوالۍ د استوګنې په سیمه کې د شاه، منځ او کوزې ويالې لپاره د اوبو څخه د ګټه اخيستو درې بېلا بېلې ټولنې رامنځته شوې.
په دې اړه په ياده سيمه کې جوړې شوې غونډې ته د پکتيا سينديزي فرعي حوزې رياست د ټولنو د ثبت عمومي مدير حضرت خان پيوند د ټولنو پر ټولنيز او اقتصادي ارزښت هر اړخيزې خبرې وکړې.
نوموړي قومي مشرانو ته په خپلو خبرو کې وويل، چې د يادو ټولنو رامنځته کولو موخه له دولت سره د ولسونو په ګډه د اوبو غوره مديريت دی.
د قومي مشرانو په استازيتوب ښاغلي بشير احمد خبرې وکړې د ياد رياست تېرې کړنې او دوامداره هڅې يې وستایلې، هغه وویل، "زموږ د سيمې ويالې چې، پخوا مو راته سروې کړي دي او اوس يې ټولنې راته جوړوى دا مو ځانګړې پاملرنه دى."
نوموړي د خپل قوم غوښتنې او ستونزې د رياست له استازي سره شریکې کړې.
د ناستې په پاى کې ښاغلي پيوند د دوى غوښتنې او ستونزې پر ځاى وبللې، هغوى سره يې ژمنه وکړه، چې تر مسؤلو چارواکو به يې ورسوي.
