د سلما بند د کښته لاس ولسوالیو د اوبه ېیز وضعیت د څیړلو په موخه یوه ناسته د د هریرود مرغاب سیندیزې حوزې د غونډو په تالار کې ترسره شوه.
دا ناسته د هریرود مرغاب سیندیزې عمومي حوزې رئیس ښاغلي ملا عبدالسلام مستوفي آغا، د لاندنې هریرود سیندیزې فرعي حوزې رئيس ښاغلي مولوي سردار ولي مزمل، د یادې ادارې تخنیکي انجنیرانو او د سلما بند دکښته لاس اته ولسوالیو د استازو په ګډون ترسره شو.
غونډه د قرآنکریم دڅو آیتونو پّ لوستلو پيل شوه، وروسته د هریرود مرغاب سیندیزې حوزې رئیس د غونډې د موخې په هکله چې د سلما بند څخه د خوشي کړای شوي اوبو غوره مدیریت وو، خبرې و کړې.
وروسته، د کښته ولسوالیو ټولو استازو هر یوه په خپل وار سره خبرې و کړې او خپلې ستونزې او وړاندیزونه یې وړاندې کړل.
په دغه ناسته کې، د سلما بند د خوشي کړای شوي اوبو د عادلانه وېش په موخه پرېکړه وشوه چې تخنیکي ناسته د تخنیکي ټیمونو په شتون کې چې د هریرود مرغاب سیندیزې عمومي حوزې، د لاندنې هریرود سیندیزې فرعي حوزې او د سلما بند د کښته لاس اته ولسوالیو څخه جوړه شوې ده تر سره شي؛ ترڅو سلما بند کې د موجوده اوبو په لیدلو او د کښته لاس د ځکمو د اړتیاوو په معلومولو سره، لازمې پرېکړې د سلما بند د اوبو د خوشي کولو په هکله ونیول شي.
د هریرود په مسیر کې د ولسوالیو د استازو د د ستونزو تر آوریدلو وروسته، پرېکړه وشوه چې د سه شنبې ورځې په ۱۲بجو د کښته لاس درې ولسوالیو( چشت شریف، پښتون زرغون، اوبه) د خپلو کانالونو دروازې د پنځه ورځو لپاره وتړي او د دې مودې وروسته دې د خپلو کانالونو دروازې خلاصې کړې. همدارنګه پرېکړه وشوه، چې د اوبو د مسیر په جریان کې هيڅ خنډ واقع نشي او د ګذرې او انجیل ولسوالې دې خپل کانالونه ۷۵ سلنه اوبه کړې؛ترڅو پاتې اوبه د زنده جان او غوریان ولسوالیو لپاره په نظر کې ونیول شي.
