د شمال د سیندیزې حوزي عمومي رئیس د سمنګان ولایت دسیندیزي حوزي له فعالیتونو څخه له نږدې څارنه وکړه
د شمال سیندیزي حوزي عمومي رئیس مولوی عبدالحکیم حاجی حکمت د یادې حوزي له تخنیکي ټیم سره یوځای د سمنګان دسیندیزي حوزي فعالیتونه له نږدې وڅیړل. ښاغلي حاجي حکمت د خپل کاري سفر په ترڅ کې د سمنګان ولایت له والی مولوی عبدالرحمان کندوزي سره وکتل او په بیلابیلو موضوعاتو په ځانګړي ډول د سمنګان ولایت د اوبو د مدیریت د ښه والي په اړه یې ورسره خبرې وکړې. د شمال د سیندیزي حوزي عمومي رئیس د سمنګان د سیندیزي حوزي په ریاست کې د سیاسی او اداری مشرانو، انجمنونو او د خلکو د شوراګانو له رئیسانو سره وکتل او د خلکو وړاندیزونه او ستونزي یې له نږدې وکتلې. په دې ناسته کې د شمال سیندیزي حوزي عمومي رئیس د ترسره شوو پروژو د کار په اړه راپور ورکړ، چې د ۱۸.۸ میلیونه افغانیو په ارزښت د ساحلونو د دیوالونود ټینګښت او د کانالونو د بیارغونې په برخه کې ۱۱ پروژې شاملې دي. د ۲۸.۷ میلیونه افغانیو په ارزشت د ۶ سربندونو د جوړولو او د ۲.۴ میلیونه افغانیو په ارزشت د ساتنې او مراقبت پروژه په دغه ولایت کي له خلکو سره شریکه شوه. یادوني وړ ده چې د اوبو او انرژۍ وزارت په پلان کې د ټول ټال ۴۳۳ میلیونه افغانیو به ارزښت ۴۷ بیړنۍ پروژې او ۸۵ میلیونه افغانیو په ارزښت ۶ پرمختیایي پروژې ترکار لاندې دي چې په راتلونکي کې به عملي شي. د سمنګان د فرعی حوزي رئیس مولوی محمد عمر انس او په دغه ولایت کې د اوبو لګوني د اتحادیې یو شمیر رئیسانو،میرآبانو او د شمال زون عمومي رئیس او ورسره ملګري پلاوي ته ښه راغلاست ووایه. دوی د کیلي د اوبو بند د جوړیدو، د سربند کاریز پروژې د بشپړیدو او په دغه ولایت کې د سیندیزي حوزي د ساحلي دیوالونو د ټینګښت پروژو د تطبیق په اړه خپل وړاندیزونه شریک کړل
