د شمال سیندیزې حوزې عمومي رئيس او ورسره مل د اوبو او انرژي وزارت تخنیکي پلاوي په سمنګان ولایت کې د څلورو پروژو څخه لیدنه وکړه
د شمال سیندیزې حوزې عمومي رئيس ښاغلي مولوي عبدالحکیم حاجي حکمت او ورسره مل د اوبو او انرژي وزارت تخنیکي پلاوي د سمنګان ولایت په خلم ولسوالي کې د ختیځي او لویدیځي دریاخانې پروژې څخه لیدنه وکړه او همدارنګه د دالان کانال، ایبک او آزاد قریه دار پروژو د چارو له بهیر څخه هم څارنه ترسره کړه.
د یادو پروژو چارې د آلمان هېواد په مالي ملاتړ د شمال سیندیزې عمومي حوزې تر څارنې لاندې پرمخ وړل کېږي.
د شمال سیندیزې حوزې عمومي رئيس د خلم- ایبک سیندیزې حوزې له رئیس سره هم وکتل او د پروژو د چارو د څرنګوالي د پلي کولو په هکله یې بحث او دنظر تبادله کړه.
