د شمال سیندیزې حوزې عمومي رئیس د یوه تخنیکي پلاوي په مشرۍ دجوزجان ولایت سیندیزې فرعي حوزې د بررسۍ په موخه یاد ولایت ته سفر وکړ.
د دې سفر په لړ کې لمړی د شمال سیندیزې حوزې عمومي رئيس مولوی عبدالحکیم حاجی حکمت د جوزجان والی ښاغلي ملا محمد شعیب سره ولیدل او په یاد ولایت کې د اوبو او بریښنا ریاست د ۱۴۰۰ کال د پروژو او پلانونو د تطبیق په اړه یې ورسره معلومات شریک کړل.
ښاغلي حاجي حکمت زیاته کړه چې به یاد ولایت کې د واورې، باران اوبو زیرمه کولو او ځمکې لاندې اوبو د تقویې په موخه د چکډیم درې پروژې، د سیندونو او کانالونو د تحکیم لپاره ۷ پروژې، د پاملرنې او ساتنې په برخه کې یوه پروژه او د هچه قلعه په نوم د اوبو د ویش سربند له کلیدی پروژو څخه شمیرل کیږی.
همدا راز ښاغلي حکمت زیاته کړه چې د عاجلو پروژو په برخه کې د انساني ځواک څخه په استفاده ۵۷ او د ۱۴۰۱ کال لپاره ۷ پروژې د ۷۱۴ میلیونه افغانیو په ارزښت په کاري پلان کې په نظر کې نیول شوي دي.
د لیدنې په دوام د جوزجان ولایت ښاغلي والی یاد پلاوي ته د ښه راغلاست ویلو وروسته د اوبو او انرژي وزارت او شمال سیندیزې عمومي حوزې له رهبرۍ مننه وکړه او د پروژو د تطبیق او هر اړخیزه همکاریو ژمنه یې وکړه ښاغلی والی د اوبو کمښت په برخه کې د خوشتپې ملی پروژه مهمه یاده کړه.
یاد پلاوې د خپل سفر په لړ کړې د جوزجان ولایت سیندیزې فرعي حوزې په ریاست کې د یاد ریاست د رئیس ښاغلي ملا سعد الله سلمي، کارکوونکو، انجمونو مشرانو د اوبو میراب باشیانو او شمیر بزګرانو سره ناسته ترسره کړه چې په ناسته کې د ۱۴۰۰ او ۱۴۰۱ کلونو تطبیق شویو او پلان شویو پروژو په اړه مفصل معلومات وړاندې شول چې د ګډونوالو لخوا یې استقبال وشو.
یاد پلاوې د ذکر شوې حوزې پروژې او کړنې وارزولې او مسؤلینو او انجنیرانو ته ئې د ښه تطبیق په اړه لازمې لارښوونې وکړي. د یادونې وړ ده چې یاد پلاوی به دشمال سیندیزې عمومي حوزې ټولو فرعي حوزو څخه لیدنه ترسره کړي.
