د غزني ولایت د سردې بند د ساتنې او څارنې پروژې چارې د نږدې ۱۳ نیم میلیونه افغانیو په لګښت بشپړې شوې
د غزني ولایت د سردې بند د ساتنې او څارنې د پروژې چارې د ۱۳ میلیونه ۴۷۴ زره او ۶۰۹ اعشاریه ۸۱ افغانیو په لګښت بشپړې او ګټې اخیستنې ته وسپارل شوه.
په دغه پروژه کې د ۷۲۳ متره په اوږدوالي او د ۶ متره په پلنوالي د یوه سړک د جوړولو او د بند د ساتونکو لپاره یوه ودانۍ شامله ده.
د دغې پروژې چارې د اوبو او انرژي وزارت په مالي لګښت د غزني ولایت د ولاړو اوبو د سیندیزې فرعي حوزې ریاست تر څارنې پرمخ وړل کېدې او چارې یې د شپږو میاشتو په موده کې بشپړې او ګټې اخیستنې ته وسپارل شوې.
