د قرغې بند د اوبو د خروجي کانال په مسیر کې د جذبي څاګانو د کېندلو ودانیزې چارې نېږدې ۴۰ سلنه بشپړې شوې دي
د کابل سیندیزې حوزې عمومي رئيس محترم انجنیر حبیب الرحمن حقپال، د منځنۍ کابل سیندیزې فرعي حوزې رئيس محترم مولوي ولي محمد تائب او ورسره مل تخنیکي ټیم د قرغې بند د اوبو د خروجي کانال په مسیر کې د جذبي څاګانو د کېندلو د ودانیزو چارو له بهیر څخه څارنه وکړه.
د قرغې بند د اوبو د خروجي کانال په مسیر کې د ۴۰ کړیو څاګانو د کېندلو موخه د یاد بند په شاو خوا سیمو کې د ځمکې لاندې اوبو تغذیه ده او ودانیزې چارې یې نېږدې څلوېښت سلنه بشپړې شوې دي.
