د لغمان ولایت د شاهي کانال د بیارغونې پروژې وضعیت بیا کتلو لپاره د همغږۍ ناسته ترسره شوه
د اوبو د چارو د تنظيم ملي ادارې عمومي رئيس انجینر خان محمد تکل په مشرۍ د لغمان ولایت د شاهي کانال بیارغونې پروژې وضعیت بیا کتلو لپاره د همغږۍ جلسه چې د يادې ادارې تخنیکي مرستيال، انجینر احمد ويس بصيري، د لغمان ولايت والي محمد اصف ننګ، په ولسي جرګه کې د لغمان ولایت استازی جنرال عبدالمنیر تره خيل، يو شمېر رئيسانو، انجینرانو او د قراردادي شرکت مسؤلينو ګډون درلود تر سره شوه.
په دغه ناسته کې د اوبو د چارو د تنظيم ملي ادارې عمومي رئیس د شاهي کانال پروژې د ارزښت يادولو تر څنګ له قراردادي شرکت څخه جدی وغوښتل چې ژر تر ژره دې د دغه پروژې عملي چارې پيل کړي.
ښاغلي تکل ډاډ ورکړ چې د پروژې د کار په جریان کې که هر ډول تخنیکي، حقوقي او مالي ستونزې پيدا کیژی د اوبو د چارو د تنظيم ملي اداره به یې د لغمان ولايت د مقام په همکارۍ به حل کیژی.
همدارنګه د لغمان والي د ستونزو د حل او د پروژې د چارو دګړنديتوب په موخه د ولايتي کمېټو د جوړېدو خبر ورکړ او د هر ډول امنيتي او حقوقي ستونزو د حل ډاډ یې ورکړ.
د شاهي کانال چې د لغمان ولايت په علينګار ولسوالۍ کې موقعیت لري؛ د رغېدو وروسته به دغه کانال 5 زره هکټاره کرنيزه ځمکه خړوبوي چې په زرګونه کورنۍ به ترې ګټه پورته کوي.
