د لغمان ولایت د شاهي کانال د لومړۍ برخې(لاټ) د لومړي فاز د پروژې پاتې چارې به ډېر ژر پیل شي
شاهي کانال د لغمان ولایت په علینګار ولسوالي کې موقعیت لري او د ۷۰ کیلو متره په اوږدوالي سره د ۲۰ زره هکتاره ځمکې د خړوبولو وړتیا به ولري.
د نوموړي کانال جوړونه په دوو فازونو کې په پام کې نیول شوې ده، چې لومړی فاز یې ۳۲ کیلو متره اوږدوالی لري او د چارو په بشپړېدو سره به یې ۵۰۰۰ هکتاره ځمکه خړوبه شي.
د دغه کانال لومړی فاز د ۴ برخو(لاټونو) درلودونکی دی، چې لومړۍ برخه(لاټ) یې 6.6 کیلو متره اوږدوالی لري او د اوبو او انرژي وزارت له لوري د دوو شرکتونو سره قرارداد شوی او چارې به یې ډېر ژر پيل شی.
همدارنګه د نوموړي کانال د دوهمې او درېيمې برخې(لاټونو) د ډيزاین مراحل بشپړ شوي او د څلورمې برخې تخنیکي سروې هم ترسره شوي او ډېر ژر به یې د ډيزاین چارې بشپړې شي.
