د لوګر سیندیزې فرعي حوزې تخنیکي ټیم په لوګر ولایت کې د بند د جوړېدو لپاره د آب بازک له سیمې څخه لیدنه وکړه
د لوګر سیندیزې فرعي حوزې تخنیکي ټیم د لوګر ولایت د محمد آغې ولسوالي د آب بازک له سیمې څخه له نږدې لیدنه وکړه او د ذخیروي بند د جوړېدو په موخه یې مشاهداتي سروې ترسره کړه.
د دغې سیمې اوسیدونکو څه موده وړاندې د اوبو او انرژي وزارت رهبري ته په نوموړې سیمه کې د اوبو ذخیره کولو کوچني بند د جوړېدو غوښتنلیک وړاندې کړی وو او د وزارت د رهبري مقام حکم یې هم تر لاسه کړی دی.
په نوموړې سیمه کې د ذخیروي بند د جوړېدو په موخه د میرو کلي چکډم، د تاڼه کول لومړی، دوهم او دریم لاټ(برخې)، د آخند خیلو کلي د آخند کاریز او د پنامې چکډم سیمې په ګوته شوې او تخنیکي سروې به یې هم ترسره شي.
