د لوګر سیندیزې فرعي حوزې رئيس د سولې رېښې موسسې له ولایتي مسؤل سره وکتل
د لوګر سیندیزې فرعي حوزې رئيس محترم ملا محمد اسماعیل آخندزاده او ورسره مل د یاد ریاست انجنیرانو د سولې رېښې موسسې له ولایتي مسؤل سره وکتل او د اوبو د پروژو د غوره مدیریت په هکله یې بحث او د اندونو تبادله وکړه.
په یاده ناسته کې ښاغلي آخندزاده د اوبو د پروژو د غوره مدیریت او د اوبو د ضایعاتو د مخنیوي په هکله خبرې وکړې.
په ورته مهال د یادې موسسې مسؤل په دې ناسته کې خپله همکاري د اوبو د پروژو د غوره مدیریت په هکله څرګند کړ.
د یادې لیدنې وروسته د لوګر سیندیزې فرعي حوزې او د یادې موسسې انجنیرانو د لوګر مرکز اړوند د شاهي کانال، کوچي کانال، التمور د کلي کانال، منګوخیلو کانال او د الیاس خان کلا د کلي کانال سروې ترسره کړه او ډېر ژر به د یوه کانال لایننګ پيل شي.
