د مالي او حسابي رئيس د مالیې وزارت له مسؤلینو سره وکتل
د اوبو او انرژي وزارت د مالي او حسابي رئيس محترم ملا اسدالله کاکړ د خپل کار په دفتر کې د ماليې وزارت له یو شمير مسؤلینو سره وکتل او په دغه وزارت کې یې د آفمس( د افغانستان مالي مدیریت معلوماتي سیسټم) کې د نوي بدلونونو په هکله بحث او د اندونو تبادله وکړه.
د مالي او حسابي رئيس په دغه لیدنه کې اړوندو مسؤلینو ته لارښوونه وکړه، چې د مالیې وزارت له مسؤلینو سره د آفمس په سیسټم کې د نوي بدلونونو په برخه کې اړینه همکاري ترسره کړي.
ټاکل شوې ده، چې د دغه وزارت د مالي او حسابي ریاست له کارکوونکو سره د مالیې وزارت د مسؤلینو له لوري د آفمس په سیسټم کې د نوي بدلونونو په هکله اړین معلومات شریک او اړینې لارښوونې وشي.
د یادونې وړ ده، چې په دغه سیسټم کې د نوي بدلونونو په راتلو سره به په مالي چارو کې د چټکتیا ترڅنګ نورې آسانتیاوې هم رامنځته شي.
