د مرګ په یاد لرلو او د هېرولو د خطرونو د ارزښت په هکله د دعوت او ارشاد ریاست اصلاحي بیانیه وړاندې شوه
دغه بیانیه د اوبو او انرژي وزارت د دعوت او ارشاد رئيس محترم مولوي ګل رحمن له لوري د دغه وزارت د غونډو په عمومي تالار کې د ګڼ شمېر کارمندانو په شتون کې وړاندې شوه.
د اوبو او انرژي وزارت د دعوت او ارشاد رئيس په دغه بیانیه کې وویل، چې د مرګ په یاد لرل انسان د ښو اعمالو ترسره کولو ته هڅوي او انسان دې ته اړ باسي چې له ناوړه اعمالو څخه ډډه وکړي.
ښاغلي مولوي عارف په خپلو خبرو کې ټینګار وکړ، چې د انسان دنیوي ژوند هغه وخت ارزښت لري، چې د خدای(ج) د رضا د ترلاسه کولو لپاره د ښو او رښتینو اعمالو په ترسره کولو کې تېر شي؛ ځکه چې دنیا د انسان د آخرت لپاره د نېکمرغي وسیله ده.
ده په خپلو خبرو کې ګډونوال اخلاص او د عالیقدر امیرالمؤمنین حفظه الله و رعاه د فرامینو رعایت ته وهڅول.
