د ملي پراختیا شرکت له اړوندو پروژو څخه د ۳۱ سترو پروژو قراردادونه او د ټولګټو وزرات د يوې پروژې قرارداد و څېړل شوه
د سترو قراردادونو د تېرو ناستو د لړۍ په دوام کې، دغه ناسته د اوبو او انرژي وزارت د اوبو معین محترم مجیب الرحمن عمر آخندزاده، د ټولګټو وزارت معین محترم مولوي عبدالکریم فاتح، د کلیو پراختیا وزارت دپلان او پالیسي عمومي رئيس، د اقتصاد وزارت مسلکي معین محترم ډاکټر عبداللطیف نظري، د چارو ادارې عمومي ریاست د ملي تدارکاتو مرستیال محترم شیخ عبدالرحیم رحیمي او د یو شمېر نورو اړوندو ادارو د استازو په شتون کې ترسره شوه.
په دغه ناسته کې، د ملي پراختیا شرکت د ۳۱ سترو ټولګټو پروژو قراردادونه چې د دولتي ودانیو د بیا جوړونې او جوړونې، جوماتونو، د اوبو لګولو او برېښنا د تولید بندونو، د اوبو لګولو کانالونو، د سړک د ودانیو او نورې ټولګتې پروژې شاملې وي او همدارنګه د ټولګټو وزارت یوه پروژه تر څېړنې او مطالعې لاندې ونیول شوه.
د ناستې په بهیر کې د هر قرارداد په هکله په بشپړه او مفصله توګه بحث او د اندونو تبادله ترسره شوه او اړینې پرېکړې وشوې؛ ترڅو له اقتصادي کمېسیون سره شریک شي.
