د منځني کابل سیندیزې فرعي حوزې تخنیکي ټیم د تنګي غارو او نغلو کېبلوې د هایدرولوژي سټېشنونو څخه لیدنه وکړه
د منځني کابل سیندیزې فرعي حوزې تخنیکي ټیم د تنګي غارو او نغلو کېبلوې د هایدرولوژي سټېشنونو د نورمال فعالیت په موخه د یادو سټېشنونو څخه لیدنه وکړه.
نوموړي تخنیکي ټیم د کابل سیند د اوبو د جریان اندازه د تېزین سیند د سټاف ګېچ په ساحه کې ترسره کړه او د سیندونو له دریو برخو څخه د اوبو د معلقو رسوباتو معلومولو په موخه د اوبو سمپل واخیستل شو او د سټېشنونو مامورینو او ساتونکو ته د نوموړو سټېشنونو د حفظ او مراقبت په برخه کې لازمې لارښوونې وشوې.
همدارنګه د منځني کابل سیندیزې فرعي حوزې رئيس مولوي نورالله حکمت او ورسره مل تخنیکي ټیم د کابل ولایت د خاکجبار ولسوالي د غازي بند د رسوباتو د پاکاري له بهیر څخه لیدنه وکړه او اړوندو مسؤولینو ته یې د چارو د چټکتیا په موخه اړینې لارښوونې وکړې.
