د ننګرهار سیندیزې حوزې له لوري د ننګرهار پوهنتون د انجنیري پوهنځي زده کړیالانو ته د عملي زده کړو او پرکتیک دورې د بشپړولو تصدیق پاڼې ورکړل شوې
د ننګرهار سیندیزې حوزې له لوري د ننګرهار پوهنتون د انجنیري پوهنځي زده کړیالانو ته د عملي زده کړو او پرکتیک دورې د بشپړولو تصدیق پاڼې د نوموړې حوزې د سلاکار انجنیر شمس الرحمن شمس، د اوبو سرچینو آمر انجنیر عبدالبصیر مومند، د ننګرهار پوهنتون د انجنیري پوهنځي رئیس پوهنمل انجنیر اجمل ستانکزی او یو شمیر نورو انجنیرانو، استادانو او محصلینو په شتون کې ورکړل شوې.
په یادو مراسمو کې د ننګرهار سیندیزې حوزې سلاکار د اوبو د مدیریت په برخه کې هر اړخیزه وینا وکړه او د ننګرهار پوهنتون د انجنیري پوهنځي استادانو ته یې د هر ډول همکاري ډاډ ورکړ.
همدارنګه، په یادو مراسمو کې د ننګرهار سیندیزې حوزې انجنیرانو ته د ننګرهار پوهنتون د انجنیري پوهنځي د استادانو له لوري ستاینلیکونه ورکړل شول.
