د ننګرهار ولایت د ولسي جرګې استازو سره لیدنه

د اوبو د چارو د تنظیم ملي ادارې عمومي رئيس او د انرژي خدماتو ادارې سرپرست ښاغلي انجینر خان محمد تکل، په ولسي جرګه کې د ننګرهار ولایت استازو سره لیدنه وکړه او په یاد ولایت کې یې د اوبو د چارو د تنظيم ملي ادارې په پراختيايی پروژو خبرې وکړې.

په دغه لیدنه کې د اوبو د چارو د تنظيم ملي ادارې عمومي رئیس د ننګرهار ولایت استازو سره د ژوند د خوندیتوب لپاره د اوبو د سرچینو د مدیریت د پراختیايی پروژو مسوده شریک کړه او اړین معلومات ورکړل.

ښاغلي تکل په اوس وخت کې د اوبو د مدیريت ارزښت د يادولو تر څنګ د ننګرهار ولایت استازو سره د پراختیايی پروژو د پلي کولو 5 کلن پلان مسوده شریکه کړه او له هغوئ یې وغوښتل چې خپل نظرونه د اوبو د چارو د تنظيم ملي ادارې سره شریک کړي.