د نورستان پارون سیندیزې فرعي حوزې رئیس د اوبو او انرژي وزارت تخنیکي ټیم او د قراردادي شرکت له مسؤولینو سره لیدنه وکړه
مولوي محمد علي فاروقي د نورستان پارون سیندیزې فرعي حوزې رئیس د اوبو او انرژي وزارت تخنیکي ټیم او د قراردادي شرکت له مسؤولینو سره ولیدل.
په دغهٔ لیدنه کې د وزارت تخنیکي ټیم او د قراردادي شرکت مسؤولینو د نورستان ولایت مرکز کې د برېښنا د توزېع د شبکې د پروژې د عملي چارو د پیل او قراردادي شرکت ته کاري ساحې سپارلو په هکله د نوموړې سیندیزې حوزې له رئیس سره بحث او د اندونو تبادله وکړه.
ښاغلي فاروقي د هر اړخیزې همکاري د وعدې سربېره، زیاته کړه چې قراردادي شرکت باید د پروژې چارې د نقشې او پروپوزول سره سم، په ټاکلي وخت او په ښه توګه پلي کړي.
