د نیمروز اوبو او انرژي ریاست کې د انرژي سروې او ارزونه ترسره شوه
د اوبو او انرژي وزارت د انرژي معینیت د پایدارې انرژي عمومي ریاست اړوند د انرژي اغېزمنتیا او ساتنې ریاست تخنیکي ټیم د نیمروز اوبو او انرژي ریاست کې د انرژي سروې او ارزونه د برېښنا انرژي سکتور د پایدارې پراختیا، د انرژي اغېزمنتیا او ساتنې د ترویج او ښه والي په موخه ترسره کړه.
نوموړې سروې او ارزونه د نوموړي ریاست پر بام باندې د سولر سیسټم د امکان سنجي مطالعاتو د ترسره کولو په موخه ترسره شوه.
د دغو مطالعاتو پایلې به د برېښنا لګښت د کمولو، د انرژي د اغېزمنې ګټې اخیستنې د لوړولو او په امارتي ادارو کې د نوي کېدو وړ سرچینو د پراختیا په موخه وکارول شي.
همدارنګه، د نوموړي ریاست تخنیکي ټیم د نیمروز د اوبو او انرژي ریاست کارکوونکو ته د انرژي اغېزمنتیا او ساتنې(سپما) په هکله د عامه پوهاوي سمینار هم وړاندې کړ.
