د هرات ولایت د څلورم نمبر قول اردو د کورنیو بلاکونو د ملکیت د برخلیک د وروستي کولو په موخه ناسته ترسره شوه
دغه ناسته د اقتصادي کمېسیون د ۱۴۴۵ ﻫ ق کال د پنځمې ګڼې مصوبې د دوولسم بند د پرېکړې د پلي کولو په موخه د اوبو او انرژي سرپرست وزیر محترم الحاج ملا عبداللطیف منصور تر مشري لاندې د صنعت او سوداګري وزارت مرستیال محترم مولوي قدرت الله جمال، د ښارجوړونې او ځمکو وزارت معین محترم مولوي روح الله احمدي، د ریاست الوزرا اقتصادي معاونیت د پلان او پالیسي رئيس محترم مولوي روح الله شهاب او د دفاع وزارت د ملکیتونو او ودانیزو چارو مرستیال محترم مولوي حمدالله منصوري په ګډون ترسره شوه.
په دغه ناسته کې، د هرات ولایت د څلورم نمبر قول اردو د کورنیو بلاکونو د ملکیت د څېړنې لپاره د ټاکل شوي پلاوي راپور تر مطالعې او ارزونې لاندې ونیول شو او د نوموړي موضوع په هکله یې خپل اند د افغانستان د اسلامي امارت اقتصادي کمېسیون ته وړاندې کړ.
