د هرات په ولایت مقام کې د پاشدان بند د چارو د بیا پیلیدو په هکله ناسته ترسره شوه
دغه ناسته د هرات والي محترم شیخ الاسلام نوراحمد اسلام جار، د هریرود مرغاب سیندیزې حوزې عمومي رئيس محترم مولوي عبدالسلام مستوفي آغا، د ښکتني هریرود سیندیزې فرعي حوزې رئیس محترم سردار ولي مزمل، د هریرود مرغاب سیندیزې حوزې تخنیکي ټیم، د هېواد وال شرکت رئیس محترم ابراهیم نظري او د نوموړې شرکت د تخنیکي ټیم په شتون کې ترسره شوه.
په دغه ناسته کې، د هرات والي د یاد شرکت مسئولینو ته ډاډ ورکړ، چې د نوموړې پروژې د چارو پرمخ وړلو او بشپړولو لپاره د اصولي او د قرارداد پر بنسټ اجراآتو څخه په هر اړخیزه توګه ملاتړ کوي.
همدارنګه، د نوموړې شرکت رئیس هم د پاشدان بند د پاتې چارو د بشپړولو لپاره بشپړ چمتووالی وښود او د اوبو او انرژي وزارت، د هرات ولایت مقام او د هریرود مرغاب سیندیزې حوزې له همکارۍ څخه یې مننه وکړه.
