د هریرود_ مرغاب سیندیزې حوزه کې د پروژو دوراني مدیریت د زده کړو برنامه پيل شوه.
دغه پوهنیزه برنامه د اوبو سکټور پياوړتیا پروژې(WSIP_GIZ) په مرسته چې موخه ترې د کارمندانو ظرفیت لوړونه، د چارو ښه پر مخ وړل وو، د څلورو ولایتونو(هرات، بادغیس، غور او فراه) سیندیزو فرعي حوزو لخوا ۴۰ څخه زیاتو کار کوونکو او ۱۲ کسان د هرات پوهنتون د انجنیري پوهنځي محصلین چې د کار اموز په توګه معرفي شوي وو د هریرود_مرغاب سیندیزې عمومي حوزې په ریاست کې پيل شوه.
په دغه پوهنیزه برنامه کې د پروژو ټولنیزې او اقتصادي سروې، تخنیکي سروې، د پروژو ډيزاین، پروپوزل جوړولو، د پروژو اقتصادي تحلیل، کنټرول او کیفیت او ګډونوالو ته د پروژو د تطبیق په برخه کې په مختلفو موضوعاتو زده کړې ورکړل شوې.
د برنامې په پای کې د هریرود مرغاب سیندیزې حوزې عمومي رئيس سید محمد عمر اسحاق د برنامې د ارزښت یادولو تر څنګ د اوبو سکټور د پروژو پياوړتیا ملاتړ دفتر(WSIP-GIZ) څخه مننه وکړه او د اوبو سکټور پياوړتیا په برخه او په ځانګړي ډول د هریرود مرغاب سیندیزې حوزې لپاره یې د لا زیاتې همکارۍ غوښتنه وکړه.
د اوبو د چارو د تنظیم ملي اداره
