د هېواد د سترو پروژو د قراردادونو د څېړنې د رهبري پلاوي ناسته ترسره شوه
د سترو پروژو د قراردادونو د څېړنې د رهبري پلاوي د ناستو په دوام کې، دا ناسته د اوبو او انرژي وزارت د سرپرست وزیر ښاغلي ملا عبداللطیف منصور، د اقتصاد وزرات، د مالیې وزارت، د ټولګټو وزارت او د تدارکاتو ملې ادارې د معینانو او استازو په شتون کې ترسره شوه.
په یاده ناسته کې، یاد پلاوي د اوبو او انرژي وزارت او د افغانستان برېښنا شرکت یو شمېر ستر قراردادونه تر څېړنې او بیاکتنې لاندې وینول او د هغوی د ستونزو د هوارولو په هکله یې بحث او دنظر تبادله وکړه.
د یادونې وړ ده، چې یاد پلاوی د اسلامي امارت د وزیرانو شورا د ۱۷ ګڼې مصوبې د څلورم بند د تحقق په موخه توظیف شوی، ترڅو ټول لوی قراردادونه تر څېړنې لاندې ونیسي او د هغوی د ستونزو او وضعیت په هکله بشپړ راپور چمتو او د اسلامي امارت له کابینې سره شریک کړي. یاد پلاوي تر اوسه پورې د ګڼو ناستو په ترسره کولو سره د یو شمېر وزارتونو او بېلابېلو ادارو ستر قراردادونه څېړلي دي.
