د ١٢٠ وړکیو بندو د پروژو د کار چارې پیل شوې
د اوبو د چارو د تنظیم د ملي ادارې د تخنيکي معین انجنیر احمد ویس بصیري په مشرۍ د ١٢٠ وړکیو بندونو د بیلابیلو پروژو چارو ته د رسیده ګۍ په موخه غونډه شوه.
ښاغلي بصیري په هېواد کې د اوبو د زېرمو د مدیریت په اړه خبرې وکړې و يې ويل چې د حکومت استراتیژي دادی چې په لومړي قدم کې اوبه مهار او ورسره په خوا کې خلکو ته کارموندنه وکړي.
ښاغلي بصیري د خپلو خبرو په دوام د یادو چارو پر ګړندي توب تاکید وکړ، ويې وویل چې اړوند مسولین دې په قرنطین موده کې په شرکتونو باندې کار چارې په شیفت ډول ترسره کړي، تر څو له یوې خوا و کولای شو یادې پروژې په ټاکل شوي وخت کې تطبیق کړو او له بلې خوا خلکو لپاره د کار کولو مصروفیت واوسي.
دغه راز ښاغلي بصیري په هیله مندۍ سره وویل چې د اوبو د چارو د تنظیم د ملي ادارې په را مينځ ته کېدو سره دغې ادارې په ټول هېواد کې د ١٢٠ وړو بندونو د جوړولو چارې پیل کړي او په ټول هېواد کې د شاوخوا ٤٠٠ نورو بیلابیلو پروژو پیژندنه، سروې او ډيزاین تر کار لاندې دی.
